Вечерва во рамките од Лигата „А“ во Лигата на нации репрезентацијата на Германија доживеа огромно понижување, загуби со дури 6:0 од Шпанија.

На теренот во Севиља за „црвената-фурија“ хет-трик запиша Феран Терес, а во листата на стрелците се најдоа уште Мората, Родри и Ојарзабал за очајна вечер на германскиот голман Нојер.

На тој начин Шпанците го обезбедија плеј-офот во натпреварувањето како првопласирани во групата со 11 бодови. Следуваат Германците со девет, Украина има шест, а Швајцарија три. Дуелот Швајцарија-Украина е откажан, откако гостите според мерките на здравствените власти во Луцерн мора да бидат во изолација.

И Франција ќе биде дел од завршниот турнир која со 4:2 славеше против Шведска која пак оди во понискиот ранг Лига „Б“. Португалците нема да ја бранат титулата од првото издание, но го завршија настапот барем со триумф во Сплит против Хрватите (2:3) со гол во финишот преку Диаш. „Коцкестите“ поради подобрата гол-разлика за еден погодок остануваат во елитата.

Од Лигата „Ц“ во повисок ранг, поточно Лигата „Б“ ќе игра и селекцијата на Црна Гора после триумфот од 4:0 на домашен терен против Кипар. Да додадеме уште дека во Лигата „Ц“ во следното издание ќе се преселат Фарските острови и Гибралтар.