Утрово, докторката Маја Киријас јавно реагираше по сообраќаен инцидент што се случил пред нејзиниот дом, во кој неидентификуван возач со своето возило удрил во две уредно паркирани автомобили – едниот е нејзин, по што го напуштил местото на несреќата.

„Возилото е мое! Поточно, уште на лизинг … Паркирано уредно. Зад паркирано друго возило. Во 6 часот од гостилница „Дукат“ се слуша силен удар од трето возило кое ги удира возилото зад мене и моето Нисан возило!“, напиша д-р Киријас на Фејсбук, при што додаде дека безбедносните камери „за жал покажуваат сè“.

Несреќата се случила пред нејзината зграда, а иако нејзиното возило било правилно паркирано, направена е значителна материјална штета.

Случајот е пријавен во полиција и се очекува идентификација на сторителот, како и соодветни законски санкции.