Љубовта има свои чудни начини на поврзување со вистинската личност и речиси целосно може да ги смени нашите животи. Токму тоа ѝ се случило на една девојка по име Џордан, која порано водела тивок, „неисполнет“ живот во Австралија. А, по четири месеци разговор преку интернет, таа решила да оди на патување за да го запознае својот онлајн-партнер, пишува „Сан“.

Во видеата кои ги споделила на ТикТок, Џордан раскажува за необичната љубовна приказна.

„Работев до доцна една вечер и кога решив да разгледам на социјалните мрежи пред спиење, наидов на прекрасен човек, кој објави интересна содржина за земја за која речиси ништо не знаев. Бев толку воодушевена што луѓето сè уште живеат номадски живот во дивината и, иако знаев дека има племиња во Амазон, никогаш не отидов предалеку во дополнителни информации“, започна Џордан.

Џордан тогаш решила да стапи во контакт со интересниот млад човек и како што наведува, цел живот успевала да го извлече најдоброто од ситуациите кои повлекуваат „ризик“. Очигледно тоа се случило и овој пат.

„Никогаш не знаеш дали ќе најдеш магија за која не си знаел дека постои. Ми се случи мојата да живее на другата страна на планетата во земја за која не знам ништо, зборувајќи јазик што воопшто не го разбирам“, вели таа.

Таа испратила порака до нејзиниот „принц на див коњ“, Питиурук и го замолила да ја научи повеќе за неговата култура. Како што открива, воопшто не очекувала тој да ѝ одговори.

„Кога го добив известувањето дека имам порака од него ми се чинеше нереално. Ова е некој што живее на дива површина, на другиот крај на светот, а ете го во моето е-сандаче со пораки. За девојка која живее западен живот на брегот во Квинсленд, која секогаш оди на плажа, која живее во куќа, да разговара со некој од Амазон кој живее во колиба, беше толку надреално. Семејството на Питиурук се наоѓа во провинцијата Пастаза, кантонот Пујо во Амазонија, Еквадор, каде што нудат тури како начин да ги едуцираат другите за културата на нивните предци“, објасни Џордан.

@jordankh_ Part 4️⃣: The Next Step ??: Work ?. Save ?? ?️. Catch ? That ? Plane ? #series #lovestory #internationalcouple #lovestorytime #lovestorytheseries #lovestory❤️ #miniseries #viraltiktokvideo #viralvideo #globaltiktok #staytunedformore #viraltiktok #ecuador #australia #travel #traveltiktok @Pitiuruk @LATAM Airlines @Qantas @Flight Centre ♬ original sound – jordankh_

По четири месеци допишување и разговори преку видео повици преку интернет, Џордан решила да патува и сакала да го запознае Питиурук. Таа решила да ја напушти работата за да патува во Перу, Аргентина и Бразил и прашала дали е можно да дојде и кај него.

„Само му реков: Можам да дојдам да те запознаам. Наречи ме луда, но можеме да го изградиме ова“. Питиурук без двоумење ја прифатил идејата и работел со семејството за да го испланира нејзиното патување.

По четири сменети летови и повеќе од 30 часа патување, таа конечно пристигнала во Гуаиуса Руна (името на семејната куќа на Питиурук).

„Кога авионот слета во Кито, ја сфатив големината на ситуацијата – почнав од каприц со став ‘зошто да не’ и се подготвував да сретнам некој што никогаш не сум го видела во реалниот живот. Но, кога се запознавме, се чувствував опуштено и сфатив дека врската е вистинскиот избор, без разлика што не го зборуваме истиот јазик. Едноставно не можев да верувам дека е реално. Тоа беше мојот првпат во Еквадор и само сакав да се уверам дека сум благодарна, но едноставно не можев да ја избришам насмевката од моето лице. Следните две недели ги поминав живеејќи и учејќи го начинот на живот на Питиурук“, вели Џордан.

Говорот на телото и пантомимата им биле од голема корист во комуникацијата.

„Ако е тука искрата, јазикот не е важен. Се разбирате. Неговото семејство ме пречека со зборовите: ‘Нашата џунгла е и твоја џунгла’“ , додаде таа.

Се разбира, учењето било взаемно. Џордан му помогнала на неговото семејство да почне да се занимава со локален туризам, за да има подобри приходи и го запознала со маркетингот на социјалните мрежи. Сепак, тие не се големи поддржувачи на модерниот начин на живот, бидејќи се среќни какви што се. За време на нејзиниот престој, парот се повеќе се заљубувал и се зближувал, а како што опишува Џордан, животот бил „филмски“.

Меѓутоа, Џордан морала да се врати во Австралија по неколку месеци, а потоа таа ја сподели нивната љубовна приказна и ги освои срцата на милиони. Сите се толку воодушевени што дури и една авиокомпанија реши да го финансира нејзиниот лет назад за Еквадор, за повторно да биде со Питиурук. Џордан долго време го планира своето следно патување во Еквадор, а едвај чека повторно да го види својот „вистински Тарзан“.

@jordankh_ Moments in the Amazon ? Through rivers, tropical mountainous terrain and lush rainforest, @Pitiuruk and his family welcomed me into their home Guayusa Runa ? @Runa #lovestory #internationalcouple #lovestorytime #lovestorytheseries #viraltiktokvideo #globaltiktok #ecuador #australia #travel #jungle #amazonrainforest #amazoniaecuatoriana ♬ The Beginning – Flawed Mangoes