Eкипата на Бостон поведе со 2:0 во финалето од НБА лигата против Далас откако изминатата вечер славеше победа до 105:98.

Дончиќ беше најдобар на теренот и постигна трипл-дабл, но тоа не беше доволно за неговиот тим да направи брејк. Бостон максимално ја искористи предноста на домашниот терен и победи во двата воведни натпревари и сега е на половина пат до шампионскиот прстен.

Водеше Далас во најголем де лод првиот дел, меѓутоа некаде кон средината на втората четвртина ја загубија предноста и Бостон на пауза замина со предност од три разлика (54:51).

Предноста на домаќините беше највисока во последниот период (103:89), а во тие моменти Далас почна да намалува и со серија од 9:0 донесе малку неизвесност во зввршницата. Сепак немаа сила за конечен пресврт.

Лука Дончиќ на теренот иако беше неизвесен поради повреда помина на теренот 42 минути во кои постигна 32 поени и додаде уште 11 скокови и исто толку асистенции. Во редовите на Бостон Холидеј запиша дабл-дабл од 26 поени и 11 скокови.

Сега финалната серија се сели во Далас каде што се играат наредните две средби.