Ако некогаш сте се запрашале како се снаоѓа Бред Пит во кујната, сега сте на прагот да го добиете одговорот. Како дел од промоцијата на неговиот нов филм „Ф1“, Пит се појави во забавно видео за готвење кое веќе стана вирално на Инстаграм.

 

View this post on Instagram

 

A post shared by Roberto Morales (@robegrill)

Славниот актер се здружи со познатите готвачи Роберто Моралес и Исајас Еспиноза, како и со своите колеги од филмот – Кери Кондон, Дамсон Идрис и режисерот Џозеф Косински, во кујната каде што заедно подготвуваа мексиканска храна и многу се забавуваа.

Видеото започнува со два тима кои се натпреваруваат да направат домашни тортиљи. Атмосферата беше опуштена и весела, а сè „стана уште покомплицирано“ кога Дамсон мораше да додаде многу лута чили пиперка во салсата. „Ги знам моите граници и ова е една од нив“, се пошегува Бред Пит, гризнувајќи од чили пиперката.

Потоа екипата го избрала својот омилен мексикански пијалок – хорчата (сладок оризов пијалок) или агуа де јамаика (чај од хибискус). Сите ја избраа хорчата, што ја изненади дури и публиката. Еден од најсмешните моменти беше кога Пит се обиде да исече месо кое речиси му излета од рака, што предизвика сите присутни да се смеат гласно.

Конечно, се одржа натпревар во правење тако, а готвачите им понудија пржени скакулци како прилог, но Дамсон Идрис веднаш одби. Според судиите, сите такоса биле одлични, па не можеле да одлучат кое е најдобро. Затоа, сите натпреварувачи биле прогласени за победници.

Оваа интересна кулинарска епизода е дел од промоцијата на филмот„ Ф1“, во кој Бред Пит игра возач на Формула 1. Филмот е режиран од Џозеф Косински, а во соработка со вистинската организација на Ф1, е снимен на вистински тркачки патеки низ целиот свет. Буџетот за филмот надмина 300 милиони долари, што го прави еден од најскапите филмови во историјата.