Емотивни сцени пред четвртфиналниот натпревар од Светското клупско првенство во фудбал меѓу екипите на Флуминенсе и Ал Хилал.

На стадионот во Орландо, САД, мечот започна со едноминутно молчење во чест на трагично починатиот португалски фудбалер Диого Жота и неговиот помлад брат Андре Силва, кои загинаа во сообраќајна несреќа во Шпанија.

Овој гест длабоко ги трогна сите присутни, а особено емотивно реагираа неодамнешните соиграчи на Жота од португалската репрезентација, Жоао Кансело и Рубен Невес, кои моментно играат за Ал-Хилал.

На големиот екран на стадионот беше прикажана црно-бела фотографија од Диого Жота и неговиот брат, додека играчите и навивачите им оддаваа почит во тишина.

Многу играчи, не само од Ал-Хилал, беа видливо погодени, а соиграчите се поддржуваа едни со други во текот на овој тежок период.

Жоао Кансело и Рубен Невес, освен што ја делеа соблекувалната со Жота во националниот тим, беа и блиски пријатели надвор од теренот. Кансело сподели емотивна порака на социјалните мрежи: „Денес не загубивме само двајца играчи. Денес, три деца го загубија својот татко, родители ги загубија своите синови, а една жена го загуби својот сопруг. Сите сме во шок – напиша Кансело.

In remembrance of Diogo Jota and André Silva, a minute of silence was observed. 🤍 pic.twitter.com/yYqKQWMur4

— DAZN Football (@DAZNFootball) July 4, 2025