Во средата, НАСА случајно емитуваше симулација на криза на Меѓународната вселенска станица (ИСС). На вежбата имаше астронаут кој страда од болест на декомпресија, што предизвика многу шпекулации на социјалните мрежи.

Каналот на НАСА на Јутуб емитуваше аудио во живо што укажува дека член на екипажот боледува од болест на декомпресија, објави НАСА на официјалниот профил на ИСС на Икс.

There is no emergency situation going on aboard the International Space Station. At approximately 5:28 p.m. CDT, audio was aired on the NASA livestream from a simulation audio channel on the ground indicating a crew member was experiencing effects related to decompression…

— International Space Station (@Space_Station) June 13, 2024

На видеото се слуша женски глас кој бара од членовите на екипажот „да го вратат командантот во одело“, да му го проверат пулсот и да го снабдат со кислород. Подоцна вели дека командантот има мали шанси да преживее.

Потоа, корисниците на социјалните мрежи почнаа да шират вести за „кризата“ на ИСС.

„Овој звук ненамерно беше пренасочен од тековната симулација во која членовите на екипажот и копнените тимови тренираат за различни сценарија во вселената. Тој не е поврзан со вистински итен случај“, објави ИСС, додавајќи дека нема итни ситуации.

Болеста на декомпресија, која се јавува кога меурчиња од азот или друг гас се формираат во крвта поради промена на атмосферскиот притисок, може да влијае на централниот нервен систем и е потенцијално фатална.

Членовите на екипажот на ИСС спиеле во моментот на емитување на симулацијата, објави компанијата.