Фудбалерите на Наполи стигнаа до титулата во италијанскиот шампионат по втор пат во последните три години, а четврти пат во историјата на клубот.

Наполи на домашен терен на стадионот „Марадона“ со 2:0 со головите на Скот Мектомини и Ромелу Лукаку и го завршија првенството со бод пред Интер, кој славеше победа од 2:0 на гостински терен кај Комо.

Титулата на тимот од јужна Италија добива на тежина, знаејќи дека на полусезоната го загубија својот најдобар играч Хвича Кварацхелија, кој се пресели во ПСЖ.

Наполи на тој начин влезе во историјата како освојувач на Скудетото кој постигна најмалку голови во првенство со 20 клубови. Тимот од Неапол постигна само 59 голови во 38 одиграни кола.

Негативниот рекорд до овој меч го држеше Милан од сезоната 2010/2011 кога „росонерите“ постигнаа само 65 голови.