ВИДЕО | Напад со нож во парк во Баварија, двајца мртви, осомничениот уапсен
Во средата напладне се огласи тревога во парк во градот Ашафенбург, Баварија, по напад со нож.
Препорачано
Според информации две лица загинале, а уште две се тешко повредени. Како што пренесува весникот БИЛД, меѓу жртвите има и дете.
Убиени се 41-годишен маж и 2-годишно момче, а две лица се хоспитализирани во тешка состојба, додека за нападот е уапсен 28-годишен Авганистанец.
Ашафенбург има околу 70.000 жители и се наоѓа во баварскиот административен регион Долна Франконија, блиску до државната граница со Хесен. Паркот наречен Шонтал се наоѓа во центарот на градот.
Во областа е во тек голема полициска акција.
„Се истражува местото на злосторството. Едно лице е во притвор. Нема индиции за други осомничени. Нема никаква опасност за јавноста“, соопшти полицијата.
Причините за нападот остануваат нејасни.
Погледнете го видеото од самото место:
Messer-Terror in Aschaffenburg! Zwei Tote und mehrere Schwerverletzte +++ Mindestens ein Kind unter den Opfern +++ Polizei im Großeinsatz!https://t.co/jjRjQ4AS7R pic.twitter.com/JrLQGYZccn
— NIUS (@niusde_) January 22, 2025
