Актерот Бен Афлек и пејачката Џенифер Лопез ги воодушевија своите фанови, глумејќи во реклама за синџирот за крофни „Данкин“ по повод годинашниот Супербол.

На почетокот од рекламата, Џеј Ло снима песна во своето студио, а Афлек ненадејно ѝ упаднува во собата, заедно со неговата придружба. Имено, Афлек е дел од групата „ДанКингс“, заедно со Мет Дејмон и Том Брејди, а нивна голема желба е да се најдат на новиот студиски албум на пејачката.

„Еве го масакрот во Бостон!“, Афлек влегува во собата викајќи, придружуван од Брејди на клавијатура и Дејмон како вокал. Но, Лопез воопшто не е воодушевена од таа сцена.

Во рекламата, Афлек се обидува да започне започне музичка кариера за да биде во чекор со сопругата, пишува „Дејли мејл“.

„Колку може да биде тешко?“, прашува Афлек, додека го пие своето „Данкин“ кафе.

Групата дава сè од себе да се најде на албумот на Џеј Ло, но таа не е импресионирана. Додека мажите се оддалечуваат, таа му се обраќа на Брејди и му дава до знаење дека може да остане.

„Смири се. Тие го именуваа пијалокот по нас“, му вели Афлек на Дејмон додека дуото се оддалечува, чувствувајќи се огорчено затоа што Џеј Ло ги одбила.