ВИДЕО | Најскапиот пердув продаден за 28.000 долари: Сопственикот не може да го изнесе од Нов Зеланд без дозвола

Фото: Профимедиа / Притнскрин / Јутјуб

Пердув од сега изумрената птица Хуија (Heteralocha acutirostris) од Нов Зеланд постави светски рекорд откако беше продаден на аукција за 46.521,50 новозеландски долари, односно 28.417 американски долари, пишува Би-би-си.

Пердувот, за кој првично се очекуваше да чини до 3.000 долари, го собори претходниот рекорд за продаден пердув од ист вид за 450 отсто.

Птицата Хуија била света за народот Маорите. Нивните пердуви често ги носеле поглаварите и нивните семејства, а исто така ги подарувале или тргувале со нив. Птицата последен пат била видена во 1907 година, но непотврдени видувања биле пријавени дваесет до триесет години по таа година, според Музејот на Нов Зеланд.

Фото: Принтскрин / Инстаграм

Хуија била мала птица песнопојка од семејството на медојадци во Нов Зеланд и била позната по своите способности за скокање и прекрасните перја, кои се одликувале со својот бел врв.

„Пердувот продаден во понеделникот е во прекрасна состојба. Сè уште го има својот многу изразен сјај и нема штета од инсекти“, изјавила Лиа Морис, шеф на декоративната уметност во аукциската куќа „Веб“.

Таа додава дека аукциската куќа го врамила предметот зад заштитното стакло од УВ, што значи дека ќе има „навистина долг живот“.

Фото: Принтскрин / Јутјуб

Пердувот е регистриран според системот за заштита на објекти направени од Маорите. Може да го купат само колекционерите кои имаат лиценца во системот и не може да ја напуштат државата без дозвола од Министерството за култура и наследство.

„Во Нов Зеланд ние толку многу се грижиме за земјата, животната средина и нашата флора и фауна“, додала Морис.

Фото: no, Credit line: – / Ardea / Profimedia

Од Музејот на Нов Зеланд велат дека во минатото, пердувите на Хуија биле статусен симбол на народот Маорите. Била ретка птица пред доаѓањето на Европејците, па овој вид станал мета на колекционери и модни трговци откако се здобила со популарност меѓу оние кои се населиле во Нов Зеланд, што довело до нејзино истребување.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот