Просењето е практика што вообичаено ја користат невработените и луѓето кои немале среќа да имаат формално образование и да заработуват доволно пари во животот. Сепак, просењето се покажува како профитабилна работа за еден поединец во Мумбаи, Индија.

Локалните медиуми известуваат дека просјакот Бхарат Џаин „заработил“ 890.708 долари со просење по улиците на технолошката и финансиска метропола, пренесува „Њујорк пост“.

Се верува дека тој, дома секој ден носи околу 2500 рупии, што е 30 долари дневно или 904 долари месечно.

И буквално ги носи дома, бидејќи поседува луксузен стан со две спални. Тој изнајмува и две продавници, со што заработува дополнителни 363 долари месечно.

Тој е прогласен за најбогат просјак во светот од локалните медиумски организации .

Бхарат почнал да проси откако пораснал во сиромаштија и немал формално образование. Но, тој сега има средства да ги испрати своите деца во манастирско училиште.

Тој поминува околу 10 до 12 часа секој ден во просење, обично околу железничката станица „Чатрапати Шиваџи Терминус“ и спортското игралиште „Азад Мајдан“, кои се сметаат за главни локации за просење.

Неговото семејство води продавница за канцелариски материјал и го молат да престане да проси, но и покрај тоа, тој продолжува со својата „окупација“ со просење.