ВИДЕО: Надал претрпе нов пораз на мастерс турнирот во Торино
Шпанскиот тенисер Рафаел Надал и денеска е совладан на мастерс турнирот во Торино, Италија.
Препорачано
Рафа беше поразен од Канаѓанецот Феликс Оже-Алијасим со резултат 2:0 во сетови 6:3 и 6:4.
Оже-Алијасим беше подобар во текот на целиот меч, во првиот и седмиот гем Надал имаше по две брејк топки, но не ги реализираше. Оже-Алијасим ја искористи првата брејк топка веќе во следниот гем и ја задржа предноста до крајот. Канаѓанецот подобро влезе во вториот сет, а во вториот гем му го одзеде сервисот на противникот, ја задржа предноста и оствари голема победа против Надал.
Тоа е веќе втор пораз за Шпанецот на овој турнир, (во неделата загуби и од Американецот Тејлор Фриц) и има само теоретски шанси за пласман во полуфиналето.
Во последните мечеви од „Зелената група“ Надал за два дена ќе се соочи против Норвежанецот Каспер Руд, додека Оже-Алијасим, кој има и еден пораз, за ривал го има Фриц.
