Сообраќајната некултура, брзото возење и неодговорното однесување на возачите е причина што луѓето небезбедно се чувствуваат на скопските улици.

Во полициските билтени секојдневно може да се забележат сообраќајни незгоди со тешко повредени, а не се малку и сообраќајките со човечки жртви.

Дека сообраќајната култура е на ниско ниво покажува и видео објавено на социјалните мрежи, каде може да се види колку сообраќајните правила не се почитуваат.

Брзо возење, поминување на црвено светло, преминување на две полни ленти се само дел од прекршоците што ги прави несовесен возач, возејќи од Кисела Вода до централното градско подрачје, притоа загрозувајќи ја безбедноста на сите учесници во сообраќајот.

Како што е најавено, кон крајот на годинава би требало да профункционираат сообраќајните камери кои се поставени низ Скопје и кои треба да ги евидентираат несовесните возачи, по што на домашна адреса би им стигнувале казни на прекршувачите.