По девет дена протести со блокади, синоќа заврши голготата на приватните превозници „Слобода превоз“ и „Макекспрес“, кои се одлучија на овој потег со цел да ги смират тензиите кај надлежните и граѓаните на град Скопје.

-Предложивме она што го кажа премиерот да се испочитува. Да му се овозможи простор на дијалогот што тој го предлага и што за нас е основа за средба на којашто, како што и самиот спомена ќе бидат презентирани сите аргументи, докази и факти за целава оваа состојба. Морам да кажам дека немаше никакви закани од наша страна, едноставно лошо бевме протолкувани“, потенцираше Кемал Муриќ во телефонски разговор за „Утрински печат“.

Тој уште еднаш истакна дека приватните превозници не ги интересираат политичките препукувања, па апелираше за брзо седнување на маса со единствена цел да се решат проблемите со неисплатените плати на релација приватни превозници и ЈСП, односно град Скопје.

-Ги повлековме блокадите како што побара Ковачевски, сега е тој на потег… Првото рочиште е закажано на 9-ти февруари, нешто што е прилично далеку. Не сме среќни што оваа работа треба да ја решаваме на суд. Се надеваме дека во меѓувреме, ќе направиме спогодба за тој долг да се исплати пред овие рокови“, кажа Муриќ.

Целосниот разговор со Кемал Муриќ можете да го проследите на следното видео: