Во рамките од петтото коло во најквалитетната српска фудбалска лига екипата на ТСЦ на домашен терен со 1:0 го совлада ИМТ Нови Београд.

Немаше голови во првото полувреме, а единствениот беше постигнат во самиот финиш од средбата.

Македонскиот интернационалец Мартин Мирчевски кај домаќините влезе во игра од 63 минута, а во 86 минута го донесе триумфот по асистенцијата на Јовановиќ.

Тоа е прв гол на 26-годишниот напаѓач Мирчевски во третиот настап сезонава во српското првенство за ТСЦ.

На табелата во шампионатот по пет кола ТСЦ е моментно на врвот со 13 бодови, еден повеќе од второпласираната Црвена звезда која загуби на гостувањето кај Вождовац со 3:2.

Голот на Мирчевски можете да го погледнете на 04:56 мин. од видео записот: