Денеска во рамките од 25 коло во најсилното шкотско првенство составот на Абердин на домашен терен со 3:1 го совлада Мадервел.

После три порази во низа, Абердин им се врати на победите, после 10 триумф сезонава се наоѓа на седмото место со 32 бодови.

После првото полувреме домаќините водеа со голот на Дук кој ја затресе гостинската мрежа во 42 минута.

Сите дилеми околу победникот ги реши македонскиот репрезентативец Бојан Миовски кој двапати стрелаше во 64 и 69 минута за 3:0. Миовски беше прогласен за играч на натпреварот. Единствениот гол Мадервел го реализираше од пенал во 74 минута преку ван Вен.

Нашиот играч веќе има 14 голови сезонава за Абердин и е моментно трет најдобар стрелец во шкотската Премиер лига.