После ремито 1:1 во првиот натпревар од полуфиналето во италијанскиот Куп, фудбалерите на Милан во реваншот на Сан Сиро славеа убедливо над градскиот ривал Интер со 3:0.

Стрелец на два гола во победата беше српскиот интернационалец Лука Јовиќ во 36 и 49 минута, а еден погодок запиша Холанѓанецот Тијани Рајндерс во 85 минута.

„Росонерите“ сега го чекаат победникот од второто полуфинале во кое по првите 90 минути Болоња има предност од 3:0 против Емполи, а возвратниот дуел ќе се игра в четврток.

Милан кој вкупно 14 пати досега го креваше пехарот во Купот, последен пат го освои натпреварувањето во 2018 година.

Финалето во Купот на Италија ќе се игра на 14 мај на стадионот „Олимпико“ во Рим.