Ни во второто коло од новата сезона во Серија А фудбалерите на Милан не дојдоа до победа, откако вечерва беа поразени од Парма на гостински терен со резултат 2:1.

Парма славеше на легендарниот Енио Тардини, а „росонерите“ по две одиграни кола имаат само еден бод. Парма поведе со 1:0 во втората минута, стрелец беше Ман на асистенција на Валери и тоа беше резултатот од првото полувреме.

Во продолжение гостите стигнаа до израмнување во 66 минута, Пулишиќ ја погоди мрежата на домаќините. Во 77 минута Парма повторно поведе, овојпат стрелец беше Канчелиери.

До крајот на натпреварот Милан се обидуваше да дојде до позитивен резултат, но Парма на крајот забележа голем триумф. По две кола Парма е на второто место со четири освоени бода, додека Милан е на 16. место со еден бод.

Во следното коло екипата на Милан ќе гостува кај Лацио, додека Парма оди кај Наполи.