Фудбалерите на Реал Мадрид денеска после пресврт триумфираа на гостувањето кај Виљареал со 2:1 во 28 коло од Ла Лига.

Иако домаќините први стигнаа до водство, „кралевите“ успеаја да направат пресврт со двата голови на Килијан Мбапе.

Најмногу акции и возбудувања видовме во првото полувреме, поточно во првите 23 минути кога беа постигнати сите голови на споменатиот натпревар.

Виљареал поведе со голот на Хуан Фојт во седмата минута, аргентинскиот дефанзивец погоди по корнер и го шокираше Реал, но гостите за кратко време успеаја да направат пресврт.

Мбапе најпрво израмни во 17 минута, а потоа во 23. со одличен удар од работ на шеснаесетникот ги обезбеди бодовите. Французинот сеха има 31 гол за Реал Мадрид оваа сезона. Во првиот дел од сезоната напаѓачот доби многу критики и многумина пишуваа дека ја игра најлошата сезона во кариерата, но сега никој не зборува така.

Мбапе веќе постигнува повеќе голови во својата прва сезона за Реал од првата на Кристијано Роналдо, односно Португалецот застана на 30 погодоци.