Последната година животните навики драстично се променија, а долгите денови поминати дома ги посветивме повеќе на готвење отколку на вежбање.

Покрај намалените социјални контакти и затворените фитнес центри желбата за физичка активност од ден на ден се повеќе се намалува, а деновите обично ги исполнуваме со гледање филмови и бројни калорични закуски. Сето ова веројатно остави трага и на вашата линија.

„Taobao“ е еден од трговците кои решија да им помогнат на своите потрошувачи да го надминат овој проблем без капка пот.

Имено, во нивната понуда можете да најдете многу реални костими кои имитираат лажни мускули, а особено по пандемијата истите ќе направат сите да ви позавидат на вашето извајано тело.

Направени се од силикон, а притоа имате можност да го набавите целото торзо, горниот дел од телото или само долниот дел од телото. За жал, лажните мускули се исто така доста скапи, но барем ќе се спасите од вежбање.