Еден маж од Мостар денеска имал крајно невообичаена прослава – својот развод на бракот одлучил да го одбележи со музика, пријатели и – со многу смеа, пишува „Херцеговина.инфо“.

Наместо тага, тој одлучил да го слави новиот почеток, и тоа со оркестар кој само за оваа прилика допатувал од Србија.

Веселата поворка тргнала од кафулето „Феникс“ во мостарката населбата Центар 2, каде што започнала несекојдневната веселба. Со звуците на трубите и хармониките, поворката свратила на бурек кај познатата бурекџилница, а потоа точно во 9 часот и 30 минути се појавила пред зградата на Општинскиот суд во Мостар, каде што се одржал официјалниот дел – потпишувањето на документите за развод.

Пред општинскиот суд, трубачите најпрвин го испеале свадбениот хит „Izađi, mala“, додека по потпишувањето на разводот била испеана „Nesanica“.

Дури и членовите на оркестарот признале дека свиреле на свадби, родендени и погреби, но – развод досега никогаш не славеле.

Несекојдневните глетки со чудење ги следеле и бројни минувачи кои се интересирале што се слави во центарот на Мостар.

По завршувањето на формалностите во судницата, екипата со славеникот се вратила во Центар 2, каде што забавата продолжила во истиот мостарски тон.