Мароко е првата африканска фудбалска репрезентација што се квалификуваше за Светското првенство следната година во САД, Канада и Мексико. Во петокот, Мароканците убедливо го победија националниот тим на Нигер со 5-0 во квалификациски натпревар и го обезбедија првото место во Групата Е.

Мароканците го искористија исклучувањето на Абдел-Латиф Гумеи во 26 минута и водеа со 2-0 на полувремето благодарение на двојниот стрелец Исмаил Саибари.

Во второто полувреме, Ајуб Ел Кааби, Хамза Игаман и Азедин Оунахи ја потврдија победата и квалификациите.

Мароканците ги добија сите шест натпревари и со 18 бода никој не може да ги симне од првото место, иако им остануваат уште два натпревари во квалификациите.

Во преостанатите две кола, избраниците на селекторот Валид Реграги ќе играат против Замбија и Конго.