Манчестер јунајтед успеа да се пласира во полуфиналето на англискиот „Лига куп“ откако со 3:0 го совлада Чарлтон Атлетик.

На својот „Олд Трафорд“ играчите на Ерик тен Хаг славеа со погодоците на Антони во 21 и Рашфорд кој двапати стрелаше во 90 и 94 минута.

Пласман во следната фаза обезбеди и екипата на Њукасл кој со резултат 2:0 го елиминираше Лестер сити.

Стрелци на головите беа Берн во 60 и Жоелинтон во 72 минута од средбата одиграна на „Ст. Џејмс Парк“.

Останатите два четвртфинални мечеви ќе се играат в среда: Нотингем форест – Вулверхемптон и Саутемптон – Манчестер сити.