Македонската сениорска репрезентација имаше успешен старт во претквалификациите за пласман на Европското првенство во 2025 година.

Нашата селекција во Нествед во еден доста драматичен натпревар триумфираше со конечен резултат 70:73 (18:14, 11:20, 26:21, 15:18) против Данска.

Данците се покажаа како доста незгоден ривал во текот на целиот меч, а ние го имавме супер расположениот Ненад Димитријевиќ кој во последната секунда од пола терен при нерешени 70:70 погоди за голема и важна победа.

Нашиот плејмејкер беше прв стрелец со 29 поени, запиша по четири скока и асистенции, Ѓуроски го заврши натпреварот со 10 поени.

На спротивната страна Јукиќ беше најефикасен со 20 поени (шест скокови), а Зохоре постигна 11 поени (седум скокови).

Се одигра и вториот меч во нашата група, Норвешка триумфираше убедливо на гостувањето кај Словачка со 68:87. Токму Словаците се следниот противник на избраниците на селекторот Александар Јончевски на 28 август во Скопје.