Бела, 14-годишна мачка од Кембриџшир, Англија го собори Гинисовиот рекорд за најгласно предење. Taa постигна предење од 54,6 децибели, што е еквивалентно на волуменот на котел што врие, пишува „Би-би-си“.

Нејзиниот подвиг беше снимен од официјален судија и акустичен инженер кој го блокираше целиот надворешен шум.

Bella the cat breaks ‘loudest purr’ world record https://t.co/osnop8E8we

— BBC News (UK) (@BBCNews) October 17, 2023

Никол Спинк, сопственичката на Бела, рече дека „не може да биде повозбудена“.

„Таа е придружник на нашето семејство многу години – ние многу ја сакаме и сме горди на нејзиното достигнување“, рече г-ѓа Спинк.

Дејв Вилсон, официјалниот судија на Гинисовата книга на рекорди, кој го надгледуваше обидот за соборување рекорд на Бела, изјави: „Секогаш е возбудлив денот кога постои потенцијал за нов светски рекорд, па бевме во исчекување да видиме дали Бела ќе може да го направи тоа“.

Бела требала да преде погласно од 50 децибели за да го постигне рекордот и г-дин Вилсон рече дека „резултатите биле веднаш очигледни“.

Г-ѓа Спинк рече: „Отсекогаш сме знаеле дека Бела навистина гласно преде – дури мораме да ја зголемиме јачината на звукот за да го слушнеме телевизорот над нејзиното предење – и тоа го прави секогаш после оброците.

„Значи, кога видовме дека е поставен рекорд за најгласно предење на светот, знаевме дека треба да ја пријавиме Бела, и многу сме задоволни што го направивме тоа“.