Tимот на Лос Анџелес е нов шампион во МЛС лигата.

Во трилер завршница во плеј-офот после 90 минути беше 2:2, а после 120 3:3. Одлучуваа пеналите каде што фудбалерите на Филаделфија ги промашија сите три, додека Лос Анџелес ги реализираше и стигна до шампионскиот пехар. Херој во финалето беше Герет Бејл кој го изедначи резултатот во 128. минута и ги донесе пеналите за својот тим.

Со  голот на Акоста Лос Анџелес поведе после половина час игра, Газдаг изедначи, па Лос Анџелес повторно поведе, за 2:2 се погрижи Елиот на пет минути пред истекот на регуларните 90. Вистинска лудница настана во судиското пролжение затоа што Елиот повторно погоди за водство на Филаделфија, а потоа на сцена стапи Бејл.

Треба да се спомене и дека голманот на Лос Анџелес Крепо направи фаул надвор од шеснаесетникот и доби црвен картон во продолженијата. Него го замени Џон Мекарти кој беше одличен во пенал рулетот.

Интересно е што Бејл во игра влезе дури во продолженијата, додека Џорџо Киелини воопшто не доби шанса во финалето, од клупата влезе и „детото на Барса“ Кристијан Тељо…