Во терминот од 18:45 часот во Лигата на шампионите вообичаено се одиграа два натпревари, а во нив победи забележаа екипите на Борусија Дортмунд и Шахтјор.

Њукасл кој со многу проблеми со повреди и суспендирани фудбалери гостуваше во Германија немаше сили да се спротистави на домаќините кои славеа со 2:0. Од самиот старт Борусија беше подобриот тим на теренот и повеќе се закануваше, Њукасл во главно чекаше прилика од контра напади.

Резултатот беше отворен по 26 минуи игра кога Фулкруг по асистенцијата од Сабицер ја затресе мрежата. Тоа беше и единствениот гол во првите 45 минути.

Њукасл ја презема иницијативата на стартот од вториот дел, а некаде кон средината на второто полувреме најголемата шанса ја имаше Жоелингтон кој со глава од идеална позиција шутираше покрај голот.

Како што одминуваше времето Борусија сигурно го приведуваше натпреварот кон крајот, а конечните 2:0 ги постави Брендт на десетина минути до крајот. На табелата во групата Борусија сега е лидер со седум бода, Њукасл е трет со четри. ПСЖ и Милан имаат шест односно четири, својот натпревар францискиот и италијанскиот тим го играат вечерва.

На Барселона на која и требаше само еден бод да го обезбеди пласманот во следната фаза не успеа бидејќи вечерва каталонците беа изненадени од Шахтјор со 1:0. На натпреварот кој се играш во Хамбург единствениот гол на натпреварот го постигна Сикан во 40. минута.

Сепак Барселона и понатаму е во одлична позиција на лидерската позиција со девет бода додека Порто и Шахтјор се второпласирани со по шест. Својот натпревар од ова коло Порто го игра вечерва против последнопласираниот Антверп кој е без бодови.