Фудбалерите на Интер вечерва славеа минимална победа од 1:0 во првиот осминафинален натпревар во Лигата на шампионите во двомечот против Атлетико Мадрид.

Првото полувреме како и што се најмногу се очекуваше донесе големо тактичко надмудрување меѓу тренерите Инзаги и Симеоне, па тоа доведе до резервисраност на тимовите. Интер повеќе креираше, создаде неколку полушанси, меѓутоа тоа не беше нешто посериозно за да се загрози голот на Јан Облак.

Паузата како да беше повеќе добредојдена за гостинскиот состав кој започна иницијатива на стартот од вториот дел.

Маркус Турам заработи повреда во редовите на Интер, па тренерот Инзаги мораше да менува, а на негово место влезе Марко Арнаутовиќ. Овој момент подоцна се покажа и како клучен на средбата. Арнаутовиќ влезе во неколку одлични прилики, а една искористи на десетина минути пред крајот со што ги постави конечните 1:0.

Во вториот осминафинален натпревар кој се играше вечерва видовме реми помеѓу ПСВ и Борусија Дортмунд (1:1). Борусија поведе во 24. минута со голот на Мален, додека по десет минути игра во второто полувреме Лук Де Јонг обезбеди реми за домаќинот пред реваншот во Дортмунд.