Литванската кошаркарска репрезентација ја оствари втората победа на Евробаскетот, овој пат убедливо победувајќи ја Црна Гора со резултат од 94:67. Натпреварот во Катовице беше обележан со апсолутна доминација на Литванците, кои остварија двоцифрено водство во првата четвртина и само го зголемуваа до крајот на натпреварот. Најголемата разлика беше дури 32 поени.

Покрај победата, избраниците на Казис Максвитис испишаа историја на турнирот – забележаа 35 асистенции, што е нов рекорд на Евробаскетот.

Претходен рекордер беше Југославија со 33 асистенции во дуелот против Естонија во 2001 година. Интересно е што Литванците поставија рекорд и по бројот на скокови во првото коло (57 против Велика Британија), па затоа срушија два историски рекорди веќе во воведната фаза од турнирот..

Новиот плејмејкер на Баерн, Рокус Јокубаитис беше одличен и се истакна со 21 поен и 12 асистенции. Огромен придонес даде и Јонас Валанчиунас, центарот на Денвер нагетс, со 19 поени (8/9 шутеви од поле, 3/4 за тројки) и пет скока за само 13 минути на паркетот.

Најефикасен играч за Црногорците беше Никола Вучевиќ, кој го заврши натпреварот со 20 поени и 10 скока.

📺 Lithuania took care of business with another convincing W in Tampere!#EuroBasket pic.twitter.com/6IyzF1JCYL

— FIBA EuroBasket (@EuroBasket) August 29, 2025