Лионел Меси изминатата ноќ го водеше Интер Мајами до победа во дербито на Флорида против Орландо со резултат 3:1.

Аргентинецот постигна два гола, и двата со одлични волеј удари, што го донесе на насловните страници на американските медиуми каде фудбалот најчесто е во втор, а почесто во трет план.

Невообичаено, Меси не го изведе пеналот на својот тим во 51 минута, туку му ја подари топката на соиграчот Џозеф Мартинез, кој беше прецизен од белата точка.

На три натпревари за Интер Мајами, Меси веќе има учинок од пет гола и една асистенција.

Интер се пласираше во четвртфиналето на КОНКАКАФ Лига купот каде ќе игра со уште еден ривал од МЛС лигата – Далас.