Канадскиот тенисер Феликс Оже-Алијасим обезбеди пласман во големото финале на АТП мастерс турнирот во Мадрид, Шпанија.

Оже-Алијасим не се испоти премногу откако 31 тенисер на светот, Јиржи Лехечка од Чешка поради повреда го предаде мечот во првиот сет.

При резултат 3:3 во гемови, и 30:15 на свој сервис, Лехечка со болна гримаса падна на колена и го предаде мечот.

Оже-Алијасим, кој моментно е 35 тенисер на светот, за титулата ќе игра против осмиот светски рекет, Русинот Андреј Рубљов кој претходно го совлада Тејлор Фриц од САД.

Оже-Алијасим е третиот Канаѓанец што стигнал до мастерс финале од воведувањето на сегашниот формат во 1990 година. Претходно тоа на други подлоги им успеа на Милош Раониќ и Денис Шаповалов.