Речиси четири децении по лансирањето на слоганот што стана симбол на спортот и одлучноста, „Just Do It“, спортскиот гигант „Најк“ прави голема промена и место тој слоган во иднина ќе се користи „Why Do It?“.

Целта на промената е да се допре до новата генерација спортисти,  млади луѓе кои сè уште ја бараат својата мотивација, кои се пред првиот голем потег и кои сонуваат да остават трага. Наместо да се слават моментите на успех, новата кампања ги става во фокус одлуките, сомнежите и ризиците кои претходат на победата.

Рекламата, која премиерно беше објавена на 4 септември, е дело на реномираната агенција Wieden+Kennedy, а во неа се појавуваат имиња како Леброн Џејмс, Карлос Алкараз, Винисиус Жуниор, Кејтлин Кларк…

Со овој нов пристап, Најк се обидува да ја врати врската со спортистите и спортот како суштина, откако последните години се соочува со пад во продажбата и силна конкуренција. Брендот се дистанцира од „lifestyle“ маркетингот и повторно го става фокусот на спортските перформанси, големите настани и автентичните приказни зад секој спортист.