Американските кошаркарски легенди Кармело Ентони и Двајт Хауард од вчера и официјално се дел од Куќата на славните на кошарката, откако беа примени на свечена церемонија што се одржа во Спрингфилд, Масачусетс.

Но, освен како индивидуалци, Ентони и Хауард беа овековечени и како дел од познатиот олимписки состав на САД од 2008 година, т.н. „Redeem Team“, кој по големото разочарување во Атина 2004 успеа повторно да ја врати американската репрезентација на врвот со златото од Пекинг.

На листата на новопримените членови се најдоа и некои од најголемите имиња од женската кошарка, легендарните Маја Мур, Силвија Фаулс и Сју Берд. Почестен беше и еден од најискусните НБА судии, Дени Крофорд, актуелниот тренер на Чикаго Булс, Били Донован, како и сопственикот на Мајами Хит, Мики Арисон.

Свеченоста беше полна со емоции, Хауард на сцената им оддаде признание на своите родители за поддршката низ целата кариера, додека поранешниот плејмејкер и тренер Џејсон Кид ги сподели своите спомени од незаборавните тренинзи и дуели меѓу Коби Брајант и Леброн Џејмс, кој исто така беше дел од церемонијата.

“You gave a kid from the projects a passport to the world… I gave [the game] everything I had.”

Carmelo Anthony gives thanks to the game of basketball and reflects on his career 👏

📺 Class of 2025 Enshrinement Ceremony on NBA TV pic.twitter.com/Ks2dtdbrBL

— NBA History (@NBAHistory) September 7, 2025