Денеска во првиот натпревар од четвртфиналето во ЕХФ Лигата на шампионите во Унгарија ремизираа екипите на Веспрем и Келце со 29:29.

Полјаците пропуштија можност да си заминат од ова гостување со триумф откако по првото полувреме имаа три голови предност (16:13), а на стартот од средбата двапати стекнаа и позитива од „плус четири“.

Домаќините се вратија резултатски, не само што израмнија, туку и поведоа, а највисоката предност беше 23:20 во 40 минута која не беше искористена за победа на крајот.

Келце повторно имаше позитива, имаше два голови разлика од 28:26, но во финишот Веспрем го избегна поразот со погодокот на Лауге во последните секунди.

За домашната екипа Елдера запиша шест голови, а по пет забележаа Штрлек и Ремили. Кај гостите А. Дујшебаев се истакна со шест голови, еден помалку имаше Морито. Реваншот Келце – Веспрем, кој ќе го даде патникот за Ф4 турнирот, ќе се одигра на 18 мај.

LAUGE SCHMIDT !!! L’égalisation à la dernière seconde du Danois ! ?
Énorme match entre Veszprém et Kielce, ça promet pour le retour ?@Eurosport_FR
?️ @lheritiermax pic.twitter.com/X7SsTRTu4Z

— Thomas Couppé (@thomascouppe) May 11, 2023