Фудбалерите на Лајпциг и Баерн Минхен одиграа нерешено 1:1 во натпреварот од 16 коло на Бундес лигата. За Баерн дебитираше новото голманско засилување, Јан Зомер.

Баварскиот гигант поведе со голот на Ерик Чупо Мотинг во 37 минута, а израмни Марсел Халстенберг за Лајпциг со гол во 52 минута.

Актуелниот шампион во најсилното германско првенство е моментно првопласиран на табелата со 35 бодови, пет повеќе од Фрајбург на втората позиција кој има меч помалку.

Екипата на Лајпциг после петтото реми сезонава се наоѓа на третата позиција со 29 бодови.

Во следното коло составот Баерн ќе биде домаќин на Келн, додека Лајпциг ќе гостува кај Шалке.