Во светот на социјалните мрежи, TикТок се покажа како најлесната и најбрзата мрежа за лансирање во светот на познатите личности. Освен инфлуенсери во различни области, интересно е што сѐ почести се и домашните миленици.

Така, медиумите профилираа една посебна бенгалска мачка, Клеј, која го привлече вниманието на милиони луѓе во текот на 2023 година, а таа има и плата да го докаже тоа. Имено, сопственичката сведочела дека нејзиниот четириножен миленик заработил 41.900 долари, пишува „Јортанго“ (Yourtango).

@firstclassbengals @Open Farm Pet is having their biggest sale of the year! ? From November 24th-27th receive 20% off all orders (and 25% off autoship orders) ✨ #letsfeedmycat #catfood #bengal #catnutrition #catfoodtips #catnutritiontips #rawfedcat #rawcatfood #obligatecarnivore #catmom #catfood #blackfriday ♬ Aesthetic – Tollan Kim

„Cleo the Bengal“ е името на профилот кој се фокусира на едукација на гледачите за хранење мачки со сирова исхрана и може да заработи приход со своите интересни клипови, а ноември е нејзиниот месец со најголема заработка со 15.500 долари откако објавата добила речиси пет милиони прегледи.

Има сѐ повеќе миленичиња кои заработуваат на оваа платформа, а експертите велат дека има повеќе крзнени инфлуенсери на TикТок од кога било. Исто така, експертите велат дека заработувањето пари преку домашни миленици не е толку едноставно и банално како споделувањето слатки видеа за мачки и кучиња. За почеток бара темелно истражување на пазарот, наоѓање уникатен пристап и создавање интересна, добро уредена содржина, а исто така го ставате вашиот живот во очите на јавноста, што не е нешто во што сите уживаат.