Фудбалерите на Кристал палас го освоија трофејот од ФА Купот откако во финалето го победија Манчестер сити со 1:0 на стадионот „Вембли“ во Лондон.

Лондонскиот клуб на тој начин го освои првиот трофеј во својата историја, додека тимот на Пеп Гвардиола заокружи катастрофална сезона во која потфрли во сите натпреварувања.

Стрелец на единствениот гол за Кристал палас беше Еберечи Езе во 16 минута кога го искористи центаршутот на Даниел Муњоз.

Сити имаше одлична шанса да израмни на крајот од првото полувреме, но Омар Мармуш го промаши пеналот.

Во второто полувреме, Палас постигна уште еден гол кој беше поништен поради офсајд.

„Граѓаните“ се обидоа да израмнат, но безуспешно. Имаа доволно време да постигнат гол бидејќи судиското продолжение траеше дури 10 минути, но не успеаја и на крајот останаа без трофејот.

Така, Кристал палас си обезбеди место во Лигата на Европа следната сезона.