Кристијано Роналдо (37) е возбуден поради враќањето на искусниот дефанзивец Пепе во репрезентацијата на Португалија, откако ја пропушти победата од 3:1 над Турција во четвртокот поради позитивен тест на ковид-19.

„Кралот се врати!“ – коментираше насмеаниот Роналдо пред тренингот на Португалија во неделата наутро додека 39-годишниот дефанзивец излезе од соблекувалната.

Тие се смееја и се гушкаа пред да почнат рамо до рамо со загревањето на претпоследниот тренинг пред квалификацискиот плејоф против Македонија во вторник (29 март) за пласман на Светското првенство годинава.

Роналдо сезонава во Премиер лигата во дресот на Манчестер јунајтед досега забележа 12 голови во 24 настапи. А за најдобрата португалска селекција од 2003 година има 115 голови во 185 настапи.

Од друга страна 39-годишниот централен бек запиша вкупно седум голови во 123 настапи за репрезентацијата на Португалија.

PEPITO IS BACK! THE KING IS BACK.

When Pepe and Ronaldo leave their national team it will be a sad day ?pic.twitter.com/UkkhuGAlND

— #7?? (@lconicCristiano) March 27, 2022