epa09309572 Switzerland's Mario Gavranovic (bottom C) celebrates with teammates after scoring the 3-3 equalizer during the UEFA EURO 2020 round of 16 soccer match between France and Switzerland in Bucharest, Romania, 28 June 2021. EPA-EFE/JEAN-CHRISTOPHE BOTT (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)

ВИДЕО: Крај за светскиот шампион, Швајцарија во пенал рулетот ги елиминира Французите

По вчерашната елиминација на актуелниот европски шампион Португалија, вечерва е елиминиран и актуелниот светски шампион Франција.

Селекцијата на Швајцарија приреди вистинска сензација откако во пенал рулетот беше подобра од Франција, а во регуларниот дел од натпреварот успеа во финишот да постигне два гола и да се избори за продолженија. Јунак на Швајцарците е голманот Јан Зомер кој во последната петта серија го одбрани пеналот на Килијан Мбапе.

Јан Зомер го одбрани шутот на Мбапе во последната петта серијја/EPA-EFE/Daniel Mihailescu

Во првото полувреме, Швајцарците благодарение на одличната тактика беа подобар тим на Националната Арена во Букурешт, а подобрата игра ја крунисаа со гол на Сеферовиќ во 15. минута.

На стартот од второто полувреме, Франција беше буквално пред нокдаун, бидејќи во 55. минута Швајцарците добија пенал, но Уго Лорис го одбрани шутот на Рикардо Родригез по што следеше експресен пресврт.
„Триколорите“ за само две минути, во 57 и 59 минута преку Карим Бензема поведоа со 2:1. Во 75. минута Пол Погба зголеми на 3:1, но Швајцарците по примерот на Хрватска од првиот натпревар, во финишот постигна два гола и го однесе натпреварот во продолженијата. Прво Сеферовиќ во 81 минута намали на 3:2, а Гаврановиќ во 90 минута погоди за 3:3.
Во продолженијата немаше големи возбудувања, и двете репрезентатиции играа на сигурно и ги чекаа пеналите.
Во пенал рулетот одлучувачкиот момент се случи во петтата серија Зомер го одбрани пеналот на Килијан Мбапе. Претходно за Франција погодија Погба, Жиру, Турам, Кимпемпе, додека кај Шцајцарија сигурни беа сите пет пеналџии Гаврановиќ, Шер, Аканџи,  Варгас и Мехмеди.
Во четвртфиналето, Швајцарија на 2 јули ќе игра против селекцијата на Шпанија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот