Кошаркарите на Партизан го совладаа Ефес со 100:90 во „Белградската арена“, во рамките од 27 коло во Евролигата.

„Црно-белите“ се наоѓаат на 10 место во елитното натпреварување со 13 победи и 14 порази, додека Егес е на 14 позиција со учинок 11-16.

Најефикасен кај српскиот претставник беше Аврамовиќ со 30 поени, следен од Зек Ледеј со 21 поен (осум скокови), Кевин Пунтер (16 поени) и Данило Анѓушиќ (15 поени).

Во редовите на турската екипа Вил Клајбурн беше најефикасен со 17 поени, четири помалку запиша Тибор Плајс, а „двоцифрени“ беа и Шејн Ларкин (11 поени) и Тајрик Џоунс (10 поени).

Се одиграа уште три натпревари во четвртокот: Алба Берлин – Макаби Тел Авив 71:106, Виртус Болоња – Валенсија 87:74 и Реал Мадрид – Панатинаикос 86:97.