Пејачот Петар Грашо и неговата сопруга Хана Хуљиќ пред две години ја добија ќерката Алба. А, неодамна пејачот откри дека нивното семејство ќе се прошири за уште еден член и дека овој пат ќе биде момче.

Пејачот ја разнежни јавноста откако објави слатко видео во кое неговата двегодишна ќерка Алба ја пее неговата песна „Ако те питају“.

Имено, на видеото може да се види како Грашо го мести микрофонот за да може Алба да пее, а тој свири на пијано. Малото девојче потоа почнува да го пее големиот хит заедно со нејзиниот татко, кој се насмевна и ја бакна својата ќерка.

„Најдобар подарок за детето е кога знае дека верувате во него“, напиша пејачот во опис на видеото.

Видеото, кое беше споделено на ТикТок веднаш го освои интернетот.

Инаку, парот се венчаше во февруари 2022 година во Сплит, а истата година ја добија ќерката Алба. Петар и неговата сопруга Хана, која е 14 години помлада, наскоро ќе добијат второ дете.

@petargraso76♬ original sound – Petar Grašo

ФОТО | Петар Грашо и Хана Хуљиќ направија крштевка за ќерката со 200 гости