Ким Кардашијан повторно ја разбранува јавноста, овој пат со својот став за родителството. Познатата ријалити ѕвезда и претприемачка откри дека „не верува во домашни задачи“. Таа верува дека децата треба да се посветат на спорт, семејство и други активности по училиште. Ким, која има четири деца со поранешниот сопруг Канје Вест – Норт, Сеинт, Чикаго и Псалм – го сподели своето мислење за време на емисија во живо.

 

View this post on Instagram

 

A post shared by HOT 97 (@hot97)

Појавувајќи се на преносот во живо на „Мафиатон 3“ на стримерот Каи Чената, 44-годишната ѕвезда јасно го искажа својот став. „Не верувам во домашни задачи. Децата се на училиште осум часа на ден. Кога ќе се вратат дома, треба да спортуваат, да имаат живот, да поминуваат време со своето семејство. Мислам дека домашните задачи треба да се остават за на училиште“, рече Кардашијан.

Ким се појави на стримот со својот син Сеинт, и учествуваа во игри заедно со Каи. Во еден момент, Ким го изненади 23-годишниот стример кршејќи ја масата со реквизити зад него.

Нејзините коментари за домашните задачи брзо предизвикаа бурни реакции на интернет. Додека некои родители се согласија со неа, велејќи дека на децата им треба слободно време по училиште, други остро ја критикуваа, нарекувајќи ги нејзините ставови „одвоени од реалноста“.

Ова не е првпат семејството Кардашијан да се соочи со критики за нивните родителски избори. Нејзината сестра Кортни Кардашијан претходно изјави дека традиционалното школување е „застарено“ и се запраша дали нејзините деца воопшто треба да одат на училиште.

Патем, појавувањето на Ким Кардашијан на стримот на Сенат го означи почетокот на Мафиатон 3, 30-дневен маратон на Твич кој ќе трае до крајот на септември.