Светското првенство во Катар полека влегува во најинтересниот дел од натпреварувањето. Од петок почнува четвртфиналето, а сите натпревари кои ќе се играат се неизвесни и сите тимови имаат речиси подеднакви шанси.

Можеби Хрватска е тим на која прогнозерите и даваат најмалку шанси, бидејќи сепак игра со моќниот Бразил, кој покажа дека со право е прв фаворит за титулата, победувајќи ја Јужна Кореја со 4:1.

Најголемото изненадување, Мароко, оди на Португалија, која ја понижи екипата на Швајцарија, која разочара и не одигра како што многумина очекуваа.

Аргентина и Холандија – се очекува феноменален натпревар, но сите очи ќе бидат вперени кон европското дерби меѓу Англија и Франција.

Двата гиганта кои имаат долга историја зад себе, се двете најизрамнети екипи кои ќе ги измерат силите во оваа рунда.