ВИДЕО | Капетанот на бродот што удри во танкер во Северното Море е руски државјанин
Капетанот на трговскиот брод „Солонг“, уапсен по судирот со танкер кај брегот на Англија е руски државјанин, соопшти сопственикот на компанијата „Ернст Рас“.
Препорачано
Остатокот од екипажот на „Солонг“ кој плови под португалско знаме – кој удри во танкерот со американско знаме „Стена имакулат“ – се руски и филипински државјани, додаде компанијата.
Полицијата Хамберсајд, во Северна Англија, објави дека 59 -годишен маж е уапсен под сомнение за убиство од небрежност по судирот што се случил на околу 12 милји од брегот на Источен Јоркшир, од кој едно лице најверојатно го загубило животот, но официјално се води како исчезнат.
The captain of the cargo ship Solong, which crashed into the US-registered tanker Stena Immaculate in the North Sea, is a Russian national.
On #BBCBreakfast Rowan Bridge had the latest from Grimsbyhttps://t.co/ekrfMnsuVR pic.twitter.com/uWatecMCgB
— BBC Breakfast (@BBCBreakfast) March 12, 2025
Бродот „Стена имакулат“, кој превезуваше гориво за американската војска, се закотви во пристаништето во Хамбер, откако патуваше од Грција. Бродот „Солонг“ пловел од Гранџмаут, Шкотска, кон Ротердам, Холандија, со брзина од околу 16 јазли кога се судрил со танкерот при што двата брода се запалиле и 36 членови на екипажот биле спасени, вклучувајќи ги и Американците на бродот „Стена“ и руските и филипинските државјани од товарниот брод.
A video reportedly taken from the bridge of #Solong showing the moments after the allision with #StenaImmaculate and the outbreak of fire.
The low visibility due to fog is evident but does not excuse the failure to see or identify the anchored tanker on radar. pic.twitter.com/B0iIlvfdGc
— Sal Mercogliano (WGOW Shipping) ?⚓???☠️ (@mercoglianos) March 11, 2025
Инспекторите рекоа дека ништо не е исклучено, но додадоа дека во моментов нема ништо што би сугерирало дека руската држава е вмешана во инцидентот.
Во вторникот вечерта, помошникот началник на крајбрежната стража, Џон Крег, рече дека пожарот на танкерот „Стена“, кој продолжи да гори и наредниот ден, „значително се намалил“.
„Постои сеопфатен одговор на загадувањето и Крајбрежната стража на Обединетото Кралство продолжува да се подготвува за секое загадување што може да настане како резултат на оштетување на бродовите. Продолжуваме активно да работиме со полицијата Хамберсајд, спасувачите, пристанишните власти и други агенции за да ја заштитиме јавноста и животната средина колку што е можно, додека продолжуваме да реагираме на ситуацијата што се развива“.
