Пејачката Лизо (36) повторно ги воодушеви фановите со нова објава на Инстаграм. Таа објави видео како разиграно танцува пред базен, носејќи бикини и црна маска која ѝ го покрива лицето.

Фановите ја пофалија нејзината храброст и изглед: „Вистинска дама, самоуверена и неверојатна“, „Ослабе толку многу, изгледа феноменално“, беа дел од реакциите.

Со комплимент ѝ се јави и Парис Хилтон: „Изгледаш совршено“.

Лизо веќе некое време зборува отворено за процесот на слабеење што го започна во 2023 година. Таа внимава на исхраната – наутро избегнува шеќери, а се одлучува за јаглехидрати со хранлива вредност, како тост со бадемов путер.

„Секој има различно тело. Треба да пронајдеш што функционира за тебе. На крајот, сѐ се сведува на рамнотежата меѓу внесени и потрошени калории“, изјави пејачката.

Таа сподели и едно интересно сознание – порано пиела по неколку големи кафиња дневно од Старбакс, не знаејќи дека само со тие пијалаци внесува до 1200 калории дневно. Оттогаш целосно ги исфрлила од навиките, со цел да го стабилизира и нервниот систем.