ВИДЕО: Каков кам-бек на Кутињо во Премиер лигата, му ја „украде“ победата на Јунајтед
Фудбалерите на Астон Вила и Манчестер јунајтед одиграа без победник 2:2 на „Вила парк“ во 22 коло од Премиер лигата во натпревар кој помина во знакот на Филипе Кутињо. Бразилецот од 2013 до 2018 година го носеше дресот на Ливерпуил, а сега по три години се врати во Премиер лигата и му ја украде победата на Манчестер јунајтед, најголемиот ривал на неговиот поранешен тим.
Препорачано
Јунајтед поведе со голот на Бруно Фернандеш во шестата минута, а во 67 минута Португалецот постигна уште еден гол со кој најави триумф на неговиот тим. Но, така не мислеше менаџерот на Астон Вила, Стивен Џерард, кој веднаш по вториот гол го внесе во игра Кутињо кој пак се покажа како клучен играч за домашниот тим.
Coutinho with a goal and assist inside 10 minutes on his Aston Villa debut ? pic.twitter.com/SucItMfDlK
— Watch LFC (@Watch_LFC) January 15, 2022
Вила прво во 77 минута преку Ремзи по асистенцијата на Кутињо намали на 1:2, а само четири минути подоцна Бразилецот постигна гол за 2:2.
Јунајтед по ремито остана на седмото место на табелата со 32 бода, додека Астон Вила има 23 бода за 13 позиција на табелата.
