ВИДЕО | Како започнала љубовната приказна на Александра Пријовиќ и Филип Живојиновиќ? Првиот бакнеж се случил во нејзиниот стан…
Српската пејачка Александра Пријовиќ завчера ја даде првата изјава откако српските медиуми објавија дека е бремена.
Препорачано
„Вистина е, бремена сум. Ви благодарам за честитките“, кратко изјавила таа.
View this post on Instagram
Ова ќе биде второ дете за неа и нејзиниот сопруг Филип Живојиновиќ, посинокот на Лепа Брена. Александра и Филип веќе го имаат синот Александар.
Александра често истакнува дека Филип ѝ е најголемата поддршка во животот.
„Нашиот однос е фантастичен. Уште од првиот ден ја имам поддршката на Филип и поради тоа сум најсреќната жена. Запознав прекрасен, чесен човек на кој навистина не можам да најдам ниту една забелешка. Отсекогаш сум велела и ќе повторам, дека неговиот придонес за мојот успех е огромен“, рекла неодамна Александра за српските медиуми.
Нивната љубовна приказна започнала спонтано, откако со години се среќавале на разни настани, често и во куќата на Лепа Брена и Боба Живојиновиќ, каде Александра настапувала. Сепак, овие средби биле минливи додека официјално не се запознале. Нивниот прв бакнеж се случил во нејзиниот стан на Вождовац.
View this post on Instagram
Двојката се венчала на 21 јуни 2018 година во Белград на раскошна церемонија со многу познати гости од светот на музиката, спортот и јавниот живот. По црковната церемонија, прославата продолжила во луксузен хотел. Александра блеснала во елегантна венчаница, додека Филип избрал класичен црн костум. Свадбата ја чувале 60 телохранители, а на располагање биле 160 келнери. Свадбената торта имала 10 спрата, а српски „Курир“ напиша дека целата прослава ги чинела 400.000 евра.
Една година по свадбата, Александра го роди синот Александар. Пејачката во едно интервју изрази желба еден ден да има и девојче.
Филип Живојиновиќ (38) е син на Боба Живојиновиќ и со години беше најпосакуваниот ерген во Србија. Филип се школувал во Велика Британија и САД и ја градил својата кариера низ целиот свет. Но, во последните неколку години тој е посветен на кариерата на неговата сопруга Александра Пријовиќ и е еден од луѓето заслужни за нејзиниот успех.
Филип Живојиновиќ е автор на некои од најголемите хитови на Александра Пријовиќ, како песната „Девет живота“. Сопственик е на „Помфрит медиа“ од Белград, која ги продуцира спотовите на Александра. Директно и индиректно е вклучен во организацијата на настапите на Александра и продукцијата на песни.
Александра не крие дека Филип многу ѝ помогнал во кариерата и дека тоа го смета за нивен заеднички проект.
КРИЕЛА ОД ЛЕПА БРЕНА: Неверство и драма во семејството Живојиновиќ
ВИДЕО | Александра Пријовиќ за синот: Му реков дека не може да излегува на сцена со мене
