Далас предводен од Кајри Ирвинг и Лука Дончиќ славеше на гостински терен против Бруклин со 119:107 во НБА лигата.

Ирвинг постигна 36 поени во своето враќање во Бруклин точно една година откако беше трејдуван во Далас, додека Дончиќ мечот го заврши со 35 поени, 18 скокови и девет асистенции.

Кајри од игра шутираше 15/24 (6/10 за три), додека Словенецот имаше 13/27 (4/11).

Микал Бриџис реализираше 28, а Ројс О`Нил 18 поени за Нетси, кои успеаја да ја намалат негативата од 23 поени на 107:101 на околу пет минути пред крајот на натпреварот.

Сепак, Ирвинг го реши прашањето на победникот со две врзани тројки. Далас е моментно осми на табелата со скор 28-23, додека Бруклин на 11 позиција на Истокот со учинок 20-30.

НБА лига, резултати –

Индијана – Хјустон 132:129
Бруклин – Далас 107:119
Мајами – Орландо 121:95
Њујорк – Мемфис 123:113
Чикаго – Минесота 129:123 (по 1 продолжение)
Јута – Оклахома 124:117
Феникс – Милвоки 114:106