Кога ќе го погледнете видеото од годинешната 77-ма церемонија на БАФТА и моментот кога на тимот на „Опенхајмер“ му беше доделена наградата за најдобар филм, ќе забележите дека некој е вишок на сцената.

На снимката прикажана на „Би-би-си“ (BBC One), јутјуберот Лизвани, облечен во темен костум, упадна на сцената додека продуцентката на „Опенхајмер“, Ема Томас го држеше својот говор, заедно со режисерот на филмот Кристофер Нолан и главниот актер Килијан Марфи. Откако застана зад Томас додека таа зборуваше, Лизвани ја напушти сцената заедно со филмаџиите, а според организаторите потоа бил приведен од обезбедувањето, пишува „Гардијан“.

– Обезбедувањето синоќа го отстрани шегаџијата од социјалните мрежи откако им се придружи на добитниците на последната награда на сцената – ние го сфаќаме ова многу сериозно и не сакаме да му дадеме никаков публицитет со дополнително коментирање- се вели во соопштението на БАФТА по инцидентот.

Лизвани има историја на со вакви упади на церемонии за време на доделување награди, вклучувајќи ги и наградите за Златната топка на Фифа и британските музички награди во 2022 година.

Лизвани има 8.000 претплатници на својот канал на Јутјуб и 5.000 фанови на Тикток, каде што објавува видеа од неговите „упади“ на различни награди.